Politika e jashtme e Biden, marrëdhënia e presidentit të ardhshëm me botën

Pas fitores së shtetit të Pensilvanisë, Joe Biden është shpallur si politikani që do të ketë postin e presidentit të 46-të të Shteteve të Bashkuara Të Amerikës.

Kjo situatë do të ketë padyshim edhe një ndryshim të politikës së jashtme që Biden mendohet të ndjekë për katër vitet e ardhshme.

Një nga politikat e para që Joe Biden ka premtuar është rikrijimi i aleancës me Marrëdhënien Klimatike të Parisit, pasi Donald Trump u shkëput zyrtarisht gjatë ditëve të numërimit të votave.

Një nga projektet që ai ka premtuar është shpenzimi i 1.7 trilion euro për trajtimin e krizës klimatike dhe për të arritur reduktimin e emetimeve të karbonit deri në vitin 2050.

Nëse Donald Trump gjatë katër viteve të presidencës së tij vendosi 25% taksë për transportin e mallrave me vendet europiane, Joe Biden mendohet se do të heqë këto taksa.

Gjithashtu, fitorja e kandidatit demokrat do të thotë se në vitet në vazhdim do të shohim një këndvështrim të kundërt nga ai i Donald Trump për çështjen e Breksit. Ai ka premtuar se do të nxisë Britaninë të respektojë marrëveshjet e tregtisë dhe paqes me Irlandën e Veriut.

Një nga politikat e jashtme që Biden mendohet të ndryshojë është edhe raporti me Korenë e Veriut. Presidenti i ardhshëm ka kërkuar që përpara se të takohet me liderin Kim Jong-Un, vendi komunist të japë dorëheqjen nga programi i armëve bërthamore. Kjo pritet të shkaktojë përsëri tensione mes dy vendeve.  

Pavarësisht pikëpamjeve të ndryshme nga Trump, Joe Biden ka premtuar se do të vazhdojë të ndjekë politikat e paraardhësit të tij, pra do të vazhdojë të krijojë marrëdhënieve paqësore me vendet e Lindjes së Mesme.

Lexoni gjithashtu: 

Joe Biden zgjidhet Presidenti i Shteteve të Bashkura

Biden po “nxitohet të paraqitet si president” thotë Trump pas shpalljes së rezultatit

Cilat janë qëndrimet e Joe Biden mbi çështjet kyçe?