Portet pas marrëveshjes së Brexit, situatë e tensionuar në Dublin

Në një nga portet kryesore në Francën Veriore, situata e tregtisë pas nënshkrimit të marrëveshjes së Brexit, duket se është e qetë. Megjithatë, së fundmi vetëm 6 anije tregtare nga 12 janë regjistruar për të kaluar kufirin. Kjo pasi kompanitë tregtare duan të shohin se si marrëveshja do të vihet në zbatim. Gjithashtu një problem tjetër është edhe situata e përkeqësuar e pandemisë që ka stepur tregtarët të kalojnë territoret.  

Portet kryesore të Evropës thonë se janë gati për tregti pas marrëveshjes së BREXIT. Ndërkohë, një port në Belgjikë ka zhvilluar një sistem të ri për të ndihmuar hyrjen dhe daljen e tregtarëve.   

“Ne kemi krijuar një kompani për të parashtruar një platformë me të dhëna të dukshme dhe transparente për të pare se kush kamion transporti është në rregull për të kaluar kufirin. Kështu ne hapim dritën jeshile në mënyrë që të përzgjedhim edhe kamionët që kalojnë në Luksemburg për të vendosur nëse janë në rregull për të shkuar në terminal”, thotë Tom Hautekiet, drejtor i portit në Zeebrugge.

Një situate e tillë ka nxitur edhe presion në portin e Dublinit pasi shumë kamionë janë të gatshëm të shmangin Britaninë duke marrë një traget direkt për në kontinent.