Portugalia ndalon me ligj paragjykimet për dhurimin e gjakut nga personat LGBTI

Portugalia ka bërë një hap përpara në eliminimin e paragjykimeve ndaj personave LGBTI në programet e dhurimit të gjakut.

Parlamenti portugez miratoi të premten katër projektligje që përfshijnë rregullat për dhurimin e gjakut.

Ky veprim u bë në mes të raporteve se disa qytetarë nuk po lejohen të dhurojnë gjak për shkak të orientimit të tyre seksual.

Kushtetuta portugeze ndalon diskriminimin bazuar në orientimin seksual dhe paragjykimet në dhurimet e gjakut janë ndaluar në mënyrë specifike që nga viti 2010.

Por, disa punonjës shëndetësorë dyshohet se kanë refuzuar të pranojnë donatorë homoseksualë dhe biseksualë, duke pretenduar se sjellja e tyre seksuale i vë ata në një rrezik të shtuar për sëmundjet e transmetueshme.

Partia Socialiste qeverisëse e Portugalisë tha se kishte mbledhur të dhëna për diskriminim, veçanërisht nga burrat homoseksualë që shkuan për të dhuruar gjak në departamentet shëndetësore dhe  pavarësisht rregullave u tha se nuk mund ta kryenin këtë proces.

Ligji i ri që hyn në fuqi thotë se shërbimet shëndetësore “nuk mund të bëjnë dallim midis donatorëve në bazë të identitetit të tyre gjinor ose orientimit seksual”.

LEXONI GJITHASHTU:

• Kryebashkiaku i Budapestit braktis garën kundër Orban
• Zgjedhjet në Çeki, kryeministri Babis pritet të fitojë, pavarësisht skandalit me ‘Pandora Papers’