Portugalia vaksinon plotësisht 80% të popullsisë

Portugalia ka vaksinuar 80% të popullsisë me dy dozat e vaksinës anti-COVID, sipas të dhënave zyrtare, duke u bërë kështu një nga kombet me shkallën më të lartë të vaksinimit.

Portugalia dhe Emiratet e Bashkuara Arabe kanë të njëjtën normë të vaksinimeve të plota, shkruan Reuters.

Kombi i Evropës Jugore ka vaksinuar rreth 8.2 milion njerëz nga popullsia e cila në total është pak më shumë se 10 milion.

Pothuajse të gjithë të rriturit mbi 65 vjeç dhe gjysma e të rinjve të moshës 12-17 vjeç tani janë vaksinuar plotësisht, ndërkohë që të gjithë ata mbi moshën 12 vjeç kanë të drejtë të marrin vaksinën në Portugali.

LEXONI GJITHASHTU:

• Portugalia rikthen kufizimin e lëvizjeve për shkak të përhapjes së variantit Delta të COVID-19
• Rreziku nga varianti “Delta” rikthen kufizimet, Portugalia sërish në shtetrrethim
• Franca këshillon qytetarët të shmangin udhëtimet në Portugali dhe Spanjë