Presidencialet në Francë, Le Pen thirrje që NATO dhe Rusia të afrohen

Qytetarët francezë e kanë të qartë se cilin do votojnë në zgjedhjet presidenciale.

Shefi i Elizesë është shprehur se do të përqendrohet tek reforma Schengen, ku sipas tij Franca nuk largohet, por ka nevojë për përmirësim për të mbrojtur sa më mirë kufijtë e jashtëm.

Emmanuel Macron, president i Francës tha se duhet të mbrojnë më mirë kufijtë e Francës për shkak të emigracionit të paligjshëm me bashkëpunim të qeverive.

“Emigracioni që vjen në Francë arrin në tokën europiane përmes Spanjës, Italisë, Greqisë ose kufirit tonë lindor, ku e kam fjalën për emigracionin e paligjshëm. Pra, ne duhet t’i mbrojmë më mirë kufijtë tanë, me më shumë forcë të përbashkët dhe bashkëpunim midis qeverive. E dyta, është se duhet të përshpejtojmë proçedurat, ku armiku ynë është ngadalësia. Njerëzit që ndodhen në një situatë të paligjshme, që nuk do të kenë kurrë azil në vendin tonë, që nuk do të kenë letrat, kalojnë muaj, ndonjëherë vite, në tokën europiane do zgjasë shumë”, tha Macron.

Kandidatja presidenciale e ekstremit të djathtë, Marine Le Pen, paralajmëroi se është kundër dërgimit të armëve shtesë në Ukrainë duke bërë thirrje për një afrim midis NATO-s dhe Rusisë sapo të përfundojë lufta e Moskës në Ukrainë.

Ajo tha se është pro elementëve të mbrojtjes të dërguara në Ukrainë, ku sipas saj pas përfundimit të luftës do dalë në favor të një pajtimi strategjik midis NATO-s dhe Rusisë.

“Jam pro për elementët e mbrojtjes të dërguara në Ukrainë. Jam pro të bashkojmë inteligjencat. Por, kam rezerva për dërgimin e armëve. Sapo lufta midis Rusisë dhe Ukrainës të përfundojë dhe të mbarojë me një traktat paqeje, unë do të dal në favor të një pajtimi strategjik midis NATO-s dhe Rusisë siç ishte parashikuar në të kaluarën”, tha Le pen.

Le Pen dhe presidenti aktual Emmanuel Macron do përballen në duelin final më 24 prill kur francezët do zgjedhin kreun e ri të shtetit.

LEXONI GJITHASHTU:

• Macron heziton t’i quajë gjenocid sulmet ruse në Ukrainë
• Rusia pretendon se mbi 1 mijë ushtarë ukrainas janë dorëzuar në Mariupol