Presidenti i Brazilit do të udhëtojë në SHBA për bisedime me Trumpin

Presidenti brazilian, Luiz Inacio Lula da Silva do të udhëtojë për në Shtetet e Bashkuara në ditët në vijim për t’u takuar me homologun e tij Donald Trump. Kështu ka raportuar këtë të hënë një burim në qeverinë braziliane për Reuters.

Takimi, i cili do të zhvillohet në Shtëpinë e Bardhë në Uashington, është planifikuar për të enjten. Lula do të largohet nga Brazili të mërkurën dhe pritet të kthehet të premten.

Të dy udhëheqësit kishin rënë dakord për një vizitë të presidentit brazilian në Uashington gjatë një telefonate në fillim të këtij viti, me pritjet fillestare që takimi të zhvillohej në mars, gjë që në fund nuk u zhvillua pas edhe nisjes së luftës në Iran. Presidenti brazilian ka kritikuar ofensivën amerikane kundër vendit të Lindjes së Mesme.