Presidenti i Izraelit i jep mundësinë Netanyahut të formojë qeverinë e re

Kryeministri i Izraelit Benjamin Netanyahu mori nga presidenti Rivlin mundësinë për të formuar një qeveri të re, pasi zgjedhjet e 23 marsit nuk prodhuan asnjë fitues të vetëm.

Netanyahu i cili është në pushtet që nga viti 2009 tani përballet me detyrën e vështirë për t’i dhënë fund ngërçit politik kur duhet të rekrutojë aleatë të mjaftueshëm për të formuar një koalicion qeverisës.

Në konsultimet e zhvilluara një ditë më parë mes kreut të shtetit me partitë politike, Netanyahu mori më shumë miratime sesa kundërshtarët e tij.

Sipas ligjit, Netanyahu do të ketë afat 28 ditë, me mundësinë e një zgjatje dy javore para se Presidenti të zgjedhë një kandidat tjetër ose të kërkojë nga parlamenti ta bëjë këtë detyrë.

Në të njëjtën kohë kryeministri Netanyahu është duke u përballur edhe në gjyq me akuzat për korrupsion, mashtrim dhe shkelje besimi.

LEXONI GJITHASHTU:

• Korrupsion, mashtrim dhe shkelje besimi, vijon gjyqi për Netanyahun
• Zgjedhjet në Izrael, kryeson partia e kryeministrit Netanyahu, por nuk formon e vetme qeverinë
• Vala e tretë e pandemisë, situatë shqetësuese në Francë, Serbia lehtëson masat, merr më shumë vaksina kineze