Presidenti i ri i Iranit, Ebrahim Raisi fiton shumicën e votave

Ebrahim Raisi do të jetë presidenti i ri i Iranit, pasi ka fituar shumicën e votave të numëruara deri tani.

Ai rezulton të ketë mposhtur tre rivalë, në një proces elektoral ku shumica e pretendentëve për kandidatë u ndaluan të garonin.

Raisi është gjyqtari numër 1 i Iranit dhe ka pikëpamje ultra konservatore. Ai është i sanksionuar nga Shtetet e Bashkuara dhe konsiderohet i lidhur me ekzekutimet e të burgosurve politikë.

Presidenti i Iranit është zyrtari i dytë më i lartë në hierarkinë e vendit, pas liderit suprem.

Kreu në ikje i shtetit, Hasan Rouhani ka pranuar fitoren e Raisit dhe e ka uruar atë për rezultatin.

Republika islamike qeveriset sipas vlerave fetare konservatore dhe në të ka pasur kufizime të lirive politike që nga Revolucioni Islamik i vitit 1979.

Shumë iranianë i shohin zgjedhjet e fundit si të organizuara për fitoren e Raisit dhe për të shmangur një proces elektoral të vërtetë.

LEXONI GJITHASHTU:

Zgjedhjet presidenciale në Iran, pritet pjesëmarrje e ulët, dy rivalët kryesorë Raisi dhe Hemmati

Zgjedhjet presidenciale në Iran, Ali Khamenei pritet të forcojë autoritetin