Presidenti i SHBA-së, Joe Biden i hidhëruar për humbjen e qenit të tij

Presidenti i Shteteve të Bashkuara të Amerikës, Joe Biden dhe Zonja e Parë, Jill Biden njoftuan të hidhëruar humbjen e qenit të tyre pastor gjerman, Champ, i cili i kishte shoqëruar për 13 vjet.

“Familja jonë humbi shokun tonë të dashur, Champ sot. Do të më marrë malli për të”, shkroi Biden në Twitter.

Our family lost our loving companion Champ today. I will miss him. pic.twitter.com/sePqXBIAsE

— President Biden (@POTUS) June 19, 2021

Champ ishte një nga dy pastorët gjermanë që jetonin në Shtëpinë e Bardhë.

“Në momentet tona më të lumtura dhe në ditët tona më të pikëlluara, ai ishte pranë nesh, i ndjeshëm ndaj gjithë emocioneve tona të pashprehura. Ne e duam shumë djaloshin tonë të mbarë, dhe do të na mungojë gjithmonë”, shkruhej në deklaratën e familjes Biden.

Pas një periudhe kur Shtëpia e Bardhë nuk ka pasur kafshë shtëpiake në kohën e ish-presidentit, Donald Trump, ardhja e Champ dhe Major, qenit tjetër të familjes Biden, riktheu traditën e cila është ndjekur dhe nga Barak Obama në kohën e presidencës së tij.

LEXONI GJITHASHTU:

• Aktivistët që kujdesen për kafshët e rrugës deri në momentin e adoptimit
• Kafshët e rrugës gjatë pushimeve verore: Si mund t’i ndihmojmë ata?