Presidenti i Ukrainës diagnostikohet me COVID-19

Presidenti i Ukrainës ka rezultuar pozitiv me COVID-19, ka njoftuar zyra e tij e medias gjatë së hënës.

Volodymyr Zelenskyy, gruaja e të cilit u diagnostikuar me virusin disa muaj më parë, thotë  se “nidhet mirë dhe do të vazhdojë të punojë nga shtëpia”, thuhej në deklaratë.

“Jam me temperaturë 37.5°”, tha Zelensky në Facebook. “Shumica e njerëzve po e kalojnë COVID-19, edhe unë do ia dal”, shtoi ai.

Në qershor, Zelenskyy tha gjatë një interviste se kishte menduar që të infektohej me qëllim për t[i treguar qytetarëve se sëmundja është “e frikshme” por “jo murtaja”, ndërkohë që stafi i tij e bindi që të mos e bënte këtë.

Ish-shteti sovjetik, me një popullsi prej 40 milionë banorësh e një sistem të brishtë shëndetësor, po përjeton një rritje dramatike të rasteve të reja gjatë javëve të fundit, me dhjetëra mijëra raste të reja në ditë.

Në total, Ukraina ka regjistruar 470 mijë raste dhe 8,687 viktima.

Të hënën, autoritetet shëndetësore prezantuan masa të reja duke lënë hapur vetëm bizneset thelbësore si ushqimoret, farmacitë, transportin publik dhe ndërhyrjeve kirurgjikale të planifikuara më parë.