Presidenti i Shteteve të Bashkuara, Joe Biden ka rezultuar negativ në testin e kryer për koronavirusin, pas 5 ditësh në izolim.
“Simptomat ishin të lehta, u shërova shpejt dhe ndihem mirë”, tha Biden në një fjalim nga Kopshti i Trëndafilave të Shtëpisë së Bardhë.
Biden bëri dy teste të antigjenit, një të martën në mbrëmje dhe një të mërkurën në mëngjes dhe që të dyja ishin negative, shkruan CNN.
Presidenti do të mbajë një maskë të përshtatshme për 10 ditë për të parandaluar përhapjen e virusit.
Menjëherë pasi rezultoi pozitiv, mjekët i dhanë presidentit Biden trajtim me medikamentin antiviral të quajtur Paxlovid.
Paxlovid është një ilaç antiviral në formë pilule i prodhuar nga Pfizer, i kombinuar me nirmatrelvir dhe ritonavir.
LEXONI GJITHASHTU