Presidentin Macron e “mbulojnë” me kurora lulesh e guaskash në ish-koloninë franceze

Presidenti francez Emmanuel Macron ka vazhduar vizitën e tij në Polinezinë Francezë këtë të martë duke u ndaluar në Ishullin Manihi.

Ai u stolis nga vendasit me tufa lulesh të një pas njëshme dhe kurora tradicionale me guaska.

Macron premtoi financim për 17 strehime kundër cunamit, një fenomen që po prek këtë zonë si pasojë e ngrohjes globale – një nga çështjet kryesore për të cilat Macron gjendet në Polinezinë Franceze.

Një tjetër çështje që pritet të diskutohet, është kompensimi që presin banorët e këtyre ishujve për shkak të pasojave që ata kanë vuajtur pas testeve të shumta që Franca ka kryer këtu për zhvillimin e armëve bërthamore.

Vendasit në arkipelagun e shpërndarë në mbi 100 ishuj, i cili ndodhet mes Meksikës dhe Australisë, kanë shpresë se Macron do të mbaj premtimin për të kompensuar viktimat e rrezatimit radioaktiv, të cilët vuajtën pasojat e dekadave të tëra të testeve nukleare që Franca bëri këtu.

Këto teste mbeten një burim i thellë zemërimi për vendasit, dhe provë e prekshme e sjelljeve raciste të kolonizatorëve që e kanë shpërfillur tërësisht vlerën e jetës së banorëve autoktonë.

Gjatë këtij udhëtimi, Macron pritet të vizitojë 4 zona të shpërndara në një territor mes oqeanit paqësor që është i madh sa e gjithë Europa.

LEXONI GJITHASHTU:

• Macron viziton Tahitin, vendasit presin kompensim për pasojat e testeve bërthamore
• Protesta në Greqi, Francë e Britani kundër certifikatave COVID
• Protestë në Francë pas gjobitjes së myslimaneve që bënë not të mbuluara