Prindërit gjermanë dalin në protestë, kërkojnë hapjen e shkollave

“Hapni shkollat ose do ta humbasin durimin” kanë qenë këto parullat që kanë përdorur dhjetëra prindër gjermanë gjatë protestës së mbajtur mesditën e së martës. Protestuesit i bënin thirrje pushtetit vendor për të ndihmuar familjet gjatë kësaj periudhe tejet të vështirë për ta.

Shkollat gjermane filluan rihapjen ngadalë në fund të prillit, por shumë nxënës frekuentojnë shkollat vetëm për disa orë  në javë pasi  duhet respektuar rregullat e distancës sociale. Sigurimi i kujdesit ditor për fëmijët e çerdheve dhe kopshteve është edhe më i kufizuar.

“Ne nuk kërkojmë që të gjithë fëmijët të kthehen menjëherë në shkollë por të gjitha shkollat dhe çerdhet duhet të hapen menjëherë. është  mëse e drejtë që ne të kujdesemi për sigurinë dhe shëndetin, por prapë fëmijët kanë të drejtë për arsimim dhe kujdes dhe prindërit kanë nevojë për një lehtësim, në vjeshtë, dimër dhe pastaj pranverë, përndryshe ata nuk do të jenë në gjendje ta menaxhojnë situatën”, tha një prej protestuesve.

Në një studim të publikuar nga DAK javën e kaluar tregoi se 81% e prindërve dhe 2% e fëmijëve mbështesin rihapjen graduale të shkollave, rreth gjysma e prindërve raportojnë se ndjehen të lodhur për shkak të shkollimit në shtëpi.

Sipas vlerësimeve të bëra nga Instituti i Punësimit, kriza e shkaktuar nga COVID-19, ka rritur papunësinë tek nënat, gjë e cila sipas ekspertëve do të dëmtojë përpjekjet për të promovuar diversitetin dhe ngushtuar hendekun gjinor të pagave në Gjermani.