Protesta kundër kufizimeve, Gjermania pritet të votojë në parlament masat e reja

Me mijëra qytetarë në Gjermani u mblodhën para Parlamentit për të kundërshtuar masat kufizuese të ndërmarra në kuadër të pandemisë. Shumë pak prej tyre janë parë të mbajnë maska apo të respektojnë distancën fizike.

Pritet që ligjvënësit gjermanë të debatojnë dhe pastaj të votojnë mbi një projekt-ligj që do të sigurojë mbështetjen ligjore për rregullat e distancës fizike, kërkesat për të mbajtur maskë në publik dhe mbylljen e dyqaneve dhe ambienteve të tjera, me qëllim për të ngadalësuar përhapjen e virusit. Ndërsa masa të tilla mbështeten nga shumica e njerëzve në Gjermani, një pakicë ka organizuar tubime anembanë vendit duke argumentuar se kufizimet janë antikushtetuese.

Këto protesta kanë shkaktuar edhe përplasje mes forcave policore dhe demonstruesve. Gjatë një përshkallëzimi të protestave, policia ka përdorur ujë me presion për të shpërndarë demonstruesit, si dhe shumë prej tyre janë arrestuar.

Masat pritet të kalojnë në dhomën e ulët dhe atë të sipërme të parlamentit dhe të nënshkruhen shpejt nga presidenti i Gjermanisë. Megjithëse, shumë gjermanë i pranojnë kufizimet e vendosura, kritikët thonë se një përforcim i masave ancticovid i jep qeverisë më shumë pushtet dhe rrezikon të drejtat civile të qytetarëve.  

Një demonstratë në fillim të këtij muaji në qytetin lindor të Lajpcig përfundoi në kaos kur mijëra protestues kundërshtuan urdhrat e policisë. Gjermania, e cila është vlerësuar për mirë menaxhimin e të valës së parë të virusit, deri më tani ka regjistruar 13,000 viktima dhe po raporton rritje te infektuarve.