Rikthehet COVID-19 në provincën e Hebeit, urdhërohet mbyllja e shkollave

Autoritetet në Kinë kanë raportuar për një numër të lartë të rasteve të reja me COVID-19 në provincën e Hebeit, në kufi me Pekinin.

Këto shifra janë ndër më të lartat të raportuara gjatë muajve të fundit në Kinë dhe qeveria i ka bërë thirrje qytetarëve të mos udhëtojnë si dhe ka urdhëruar që shkollat të mbyllen një javë më herët, ndërsa Kina pret Vitin e Ri.

Komisioni Kombëtar i Shëndetit tha të mërkurën se Hebei kishte regjistruar 82 raste të reja me COVID-19, të gjithë me simptoma të dukshme.

Që prej fillimit të pandemisë në Kinë janë raportuar 87,536 raste dhe 4,634 viktima nga coronavirusi.

Provinca e Hebeit është kthyer në shqetësim për shkak të afërsisë që ka me kryeqytetin e vendit. Disa pjesë të vendit janë nën izolim dhe udhëtimet janë të pezulluara.

Kina njoftoi të hënën se një skuadër ekspertësh nga Organizata Botërore e Shëndetësie do të mbërrinte në vend për të hetuar origjinën e pandemisë së coronavirusit.

Një njoftim, jo më i gjatë se një fjali, nga Komisioni Kombëtar i Shëndetit, tha se ekspertët do të mbërrinin të enjten për tu takuar me ekipin kinez dhe për të vazhduar më pas me hetimin.

Lexoni gjithashtu:

Sot injektohen dozat e para të vaksinës anti-COVID në Shqipëri

Serbia rezervon miliona vaksina anti-Covid nga Kina, deri më tani ka vaksinuar 9300 persona

Vaksinohet çifti mbretëror, Mbretëresha Elizabetë II dhe Princi Philip marrin vaksinën kundër COVID-19