PSG probleme me kontratat, Cavani dhe Meunier refuzojnë rinovimin e përkohshëm 

Edinson Cavani dhe Thomas Meunier kanë refuzuar që të nënshkruajnë përkohësisht, në mënyrë që të luajnë finalet e Kupave apo të aktivizohen në Champions League me skuadrën e PSG-së. Diçka të tillë e kanë njoftuar mediat franceze këtë të diel.

Si Cavanit ashtu dhe Meunier u përfundon kontrata në fundin e muajt qershor dhe klubi u kishte ofruar një bashkëpunim deri në përfundim të aktiviteteve që kanë mbetur pa përfunduar, por diçka e tillë nuk është pranuar nga futbollistët, të cilët presin datën 30 qershor për t’u shpallur lojtarë të lirë.

Uruguaiani nuk është në planet e kampionëve të Francës për edicionin e ardhshëm, diçka që e ka nxitur të mos pranojë një rinovim të përkohshëm.

Ndonëse një prej shënuesve më të mirë të skuadrës në vitet e fundit, me ardhjen e Ikardit, hapësirat për Kavanin ishin të pakta dhe ai duhet të kërkojë një destinacion të ri, ku të ketë komandën e repartit të avancuar.

PSG u shpall kampion pas ndërprerjes së kampionatit për shkak të COVID-19, por kryeqytetasit janë kualifikuar për në çerekfinalet e Champions League dhe do të luajnë në fazën finale e cila do të zhvillohet në Lisbonë të Portugalisë në muajin gusht.