Publikohen imazhet e para pas dëmtimit të “Nord Stream” në detin baltik

Ditën e sotme janë publikuar pamjet e para pas dëmtimit të gazsjellësit Nord Stream të raportuar disa ditë më parë në zonën pranë detit baltik.

Imazhet tronditëse tregojnë mbetjet e tubacionit.

Tubacionet Nord Stream 1 dhe 2  lidhin Rusinë me Gjermaninë dhe kanë qenë në qendër të tensioneve me Rusinë.

Vladimir Putin ndërpreu furnizimin me gaz në shenjë hakmarrjeje për sanksionet e vendosura pas pushtimit të tij në Ukrainë dhe është akuzuar se ka urdhëruar sulmin ndaj tubacionit.

Pamjet e marra nga hetuesi suedez tregojnë metal të përdredhur në tubacionin Nord Stream 1, 79 metra  poshtë në Detin Baltik.

“Është vetëm një forcë ekstreme që mund të përkulë metalin kaq të trashë në mënyrën se si ne po shohim,” tha operatori i dronëve Trond Larsen për Expressen, i cili zbuloi pamjet.

Videoja tregon se rreth 165 metra tubacion është shkatërruar ose varrosur nën fundin e detit.

Dy tubacionet Nord Stream u dëmtuan nga shpërthimet nën Detin Baltik midis Danimarkës dhe Suedisë në fund të shtatorit, duke shkaktuar katër rrjedhje.

LEXONI GJITHASHTU: 

• Shfrytëzimi i rojeve private, Ministria e Brendshme propozon ndryshim të ligjit
• ‘I dha “ok” Metës për president’, PL: Autoriteti dhe Kuvendi bllokojnë informacionin