Puigdemont i shpëton ekstradimit, gjykata pezullon çështjen: Të vendosë gjykata evropiane

Një gjykatë italiane pezulloi të hënën çështjen lidhur me ekstradimin në Spanjë të liderit separatist katalanas Carles Puigdemont, në pritje të një vendimi nga Gjykata Evropiane e Drejtësisë.

Në përfundim të seancës, e mbajtur në gjykatën e Sasarit, një qytet në ishullin e Sardenjës, avokati i të pandehurit Agostinangelo Marras sqaroi vendimin e marrë.

“Çështja e imunitetit të zotit Puigdemont i përket drejtësisë spanjolle, që mund të japë masën e duhur, sikurse ka bërë më parë. Ndaj, çështja nuk është arkivuar, por është pezulluar në pritje të një vendimi të tillë”, deklaroi Marras.

Puigdemont, 58 vjeç, ka shërbyer si anëtar i Parlamentit Evropian që prej vitit 2019, por iu hoq imuniteti nga procedimi penal nga një grup ligjvënësish në muajin mars.

Avokatët e tij kanë argumentuar se për arrestimin e tij nuk kishte baza dhe kanë insistuar se ai duhet të jetë i lirë derisa Gjykata Evropiane e Drejtësisë të vendosë për apelin e tyre kundër vendimit të Parlamentit Evropian për heqjen e imunitetit.

LEXONI GJITHASHTU:

• Autoritetet italiane arrestojnë ish-liderin katalanas Carles Puigdemont
• Carles Puigdemont, Parlamenti Europian voton për heqjen e imunitetit të separatistëve katalanas