Putin nuk pranon kushtet/ Pas SHBA, edhe Gjermania përpiqet të bindë Putin

Shtëpia e Bardhë ka konfirmuar se presidenti Biden është gati të flasë me presidentin Putin, nëse ky i fundit është i gatshëm t’i japë fund luftës.

“Biden tha, nëse Putin është gati t’i japë fund luftës në Ukrainë, ai është gati të flasë me të. Por ai tha gjithashtu qartë se Putin nuk po tregon sinjale të tilla. Ndaj, sërish, ne do të fokusohemi tek bashkëpunimi me aleatët dhe partnerët tanë jo vetëm për ta mbajtur Rusinë përgjegjëse, por edhe për të mbështetur Ukrainën në betejë”- John Kirby, zëdhënës i Shtëpisë së Bardhë.

Kancelari gjerman Olaf Scholz zhvilloi një bisedë telefonike me Putin, duke ritheksuar se tërheqja e trupave është një parakusht për bisedime.

Por presidenti rus nuk ka ndërmend të heqë dorë nga territoret e pushtuara gjatë agresionit ndaj Ukrainës.

Ndërsa për Kievin, bisedimet e paqes janë të mundura vetëm nëse Rusia ndërpret sulmet ndaj territorit ukrainas dhe tërhiqet nga i gjithë territori, përfshirë gadishullin e Krimesë.

LEXONI GJITHASHTU: 

• Rikthehet Neymar, i gatshëm për sfidën me Korenë e Jugut
• ‘Bota okulte e Putin’, nga magjia e zezë tek sakrifikimet, habit gazetari rus