Putin pritet të firmosë ligjin për aneksimin e 4 rajoneve të Ukrainës

Pas referendumeve të rreme të zhvilluara në katër rajonet e Ukrainës, Kremlini bën me dije se presidenti Vladimir Putin këtë të premte do të nënshkruajë një ligj për aneksimin e tyre.

Zëdhënësi Dmitry Peskov tha se administratorët e rajoneve të emëruar nga Moska do të nënshkruajnë traktate për t’u bërë pjesë e Federatës Ruse.

Votimet e kryera nën mbikëqyrjen ushtarake janë kritikuar nga Perëndimi.

Sipas zyrtarëve rusë, katër rajonet, të cilat përfaqësojnë rreth 15% të Ukrainës, votuan me shumicë për t’u bashkuar me Rusinë.

Ukraina thotë se do të vazhdojë të luftojë për të çliruar rajonet e Donetsk, Luhansk, Kherson dhe Zaporizhzhia.

LEXONI GJITHASHTU:

• Burg përjetë kopshtarit të resortit ku u vra dhe u zhduk Jan Prenga
• Pamjet filmike ‘fundosin’ kopshtarin për vrasjen e Jan Prengës
• Konfiskimi i ‘Eyes of Tirana’, Hajdari: Rama qesharak, sinjali për biznesmenët