Raportet Turqi-Rusi ‘zemërojnë’ SHBA, Erdogan synon të blejë serinë e mbrojtjes raketore S-400

Turqia duket se është e vendosur të forcojë raportet me Rusinë dhe të ketë një marrëdhënie të tensionuar me Washingtonin.

Presidenti Recep Tayyip Erdogan, u shpreh së fundmi se Turqia ende synon të blejë një seri të dytë të sistemeve të mbrojtjes raketore S-400 nga Rusia, një veprim që mund të thellojë tensionet me aleatin e NATO-s, Uashingtonin dhe të shkaktojë sanksione të reja amerikane.

Uashingtoni thotë se S-400 përbëjnë një kërcënim për avionët e tij luftarakë F-35 dhe për sistemet më të gjera të mbrojtjes të NATO-s.

Turqia nga ana tjetër argumenton se nuk ishte në gjendje të blinte sisteme të mbrojtjes ajrore nga asnjë aleat i NATO-s, pasi nuk plotësoheshin kushte të kënaqshme.

“Në të ardhmen, askush nuk do të jetë në gjendje të ndërhyjë në lidhje me llojin e sistemeve të mbrojtjes që marrim, nga cili shtet i marrim dhe në çfarë niveli. Askush nuk mund të ndërhyjë në këtë. Ne jemi të vetmit që marrim vendime të tilla” u shpreh Erdogan gjatë një interviste.

Në dhjetor Shtetet e Bashkuara vendosën sanksione ndaj Drejtorisë së Industrisë së Mbrojtjes të Turqisë, shefit të saj Ismail Demir dhe tre punonjësve pas blerjes së serisë së parë të S-400.

Por, bisedimet midis Rusisë dhe Turqisë mbi këto sisteme kanë vijuar. Uashingtoni ka thënë vazhdimisht se kjo do të shkaktojë sanksione të reja.

Erdogan vizion Rusinë javën e ardhshme ku do të takohet me shefin e Kremlinit, Vladimir Putin.

LEXONI GJITHASHTU:

• Arrestohet ish-kontrollorja e sigurisë ajrore 5 vite pas aksidentit të skuadrës Chapecoense
• Lirohet trashëgimtarja e ‘Huawei’, bie kërkesa për ekstradim në SHBA
• Biden: E turpshme dhuna ndaj haitianëve, kush e bëri do paguajë