Raportet Uashington-Berlin, SHBA dërgon 500 trupa ushtarake shtesë në Gjermani

Shtetet e Bashkuara do të vendosin 500 trupa shtesë në Gjermani. Lajmi u konfirmua nga sekretari amerikan i Mbrojtjes, Lloyd Austin i cili u ndal për një vizitë në Berlin duke shënuar një përmbysje të planeve të ish-presidentit Donald Trump për të tërhequr rreth 12.000 trupa nga shteti anëtar i NATO-s.

Homologia gjermane e Austin e cilësoi vendimin “një sinjal shumë të fortë solidariteti” dhe siguroi Shtetet e Bashkuara se vendi i saj do të bënte “gjithçka” në mënyrë që forcat amerikane të gjenin një “shtëpi të mirë”.

I pyetur për të komentuar mbi përfshirjen e Gjermanisë në ndërtimin e tubacionit të diskutueshëm të gazit natyror ‘Nord Stream 2’, sekretari amerikan edhe një herë theksoi kundërshtimin e administratës Biden mbi këtë projekt, por që nuk do të ndikojë në raportet Uashington-Berlin.