Raporti i BERZH, eksperti i ekonomisë: Ishte e pritshme që s’do të kishte kurora dafine për qeverinë

Eksperti i ekonomisë, Fatos Çoçoli u shpreh për Euronews Albania se raporti i BERZH për Shqipërinë ishte kritik dhe se synon të shikojë realitetin në vend.

“Është kritik si gjithnjë se synon të shikojë realitetin tonë. Është e kuptueshme që Reforma në Drejtësi ka pasur pengesat e veta, dhe është një vrapim me pengesa. Ndonjëherë edhe qëndrim në vend. Kjo pasqyrohet edhe në këtë raport. Ishte e pritshme që nuk do të kishte kurora dafine për asnjë lloj qeverie. Vështirësitë e reformës janë ato që janë. Për mua raporti duhet parë ashtu siç është realisht, një analizë shumë e fortë profesionale”, tha ai.

Çoçoli theksoi më tej se duhet të ndryshohet ligji i Partneritetit Publik Privat. Sipas tij PPP-të e fundit kanë qenë një akt vetëvrasjeje i financave publike.

“Duhet të ndryshojmë ligjin e Partneritetit Publik Privat. E kam shprehur preh kohësh që BERZH ka edhe paratë e veta, është i interesuar tek vendi jonë se ka dhënë kredi, kredi të buta. Një akt vetëvrasje i financave publike ishte marrëzia që patë, me këto produktet e PPP-ve.   

“Kushdo që këtej e tutje mendon të realizojë një kontratë PPP duhet të ketë një strukturë që të shikojë raportin kosto-përfitim, jashtë qeverisë. Të mos jetë ministri apo qeveria që të firmosë. Kjo bëhet me një nismë ligjore,”, tha ai më tej.

Lexoni gjithashtu: 

Raporti i BERZH: Rritet korrupsioni, PPP-të rrezikojnë borxhin