Reagimet për ndarjen nga jeta të ish-Papa Benediktit XVI

Menjëherë sapo u njoftua se ish papa Benedikti XVI u shua, të shumta ishin reagimet nga liderët botërorë të cilët shprehën keqardhjen e tyre.

Presidenti gjerman Frank-Walter Steinmeier vlerësoi angazhimin e Benediktit për dialogun midis besimeve të krishtera dhe me fetë e tjera.

“Si një Papë “gjerman”, Benedikti XVI ishte një udhëheqës i veçantë i kishës për shumë njerëz, jo vetëm në këtë vend. Bota po humbet një figurë formuese të Kishës Katolike, një personalitet argumentues dhe një teolog të zgjuar. Mendimet e mia janë me Papa Françeskun”, shkroi Kancelari gjerman Olaf Scholz në Twitter.

Presidenti italian, Sergio Mattarella tha se vdekja e Benediktit pikëlloi të gjithë vendin.

“Nga ëmbëlsia dhe mençuria e tij përfitoi komunitetit ynë  dhe gjithë komunitetit ndërkombëtar”, u shpreh Mattarella dhe  vuri në dukje se Benedikti “vazhdoi t’i shërbente çështjes së Kishës së tij në rolin e tij unik të papës emeritus me përulësi dhe qetësi”.

“Benedikti XVI ishte një gjigant i besimit dhe i arsyes. Një njeri i dashuruar me Zotin, i cili e vuri jetën e tij në shërbim të Kishës Universale dhe i ka folur dhe do të vazhdojë t’u flasë zemrave dhe mendjeve të njerëzve me thellësinë shpirtërore, kulturore dhe intelektuale të Magjisterit të tij. Një i krishterë, një pastor, një teolog: një njeri i madh që historia nuk do ta harrojë”, shkroi kryeministrja, Giorgia Meloni.

Kryeministri britanik, Rishi Sunak u shpreh se ishte pikëlluar nga lajmi duke vlerësuar figurën.

“Mendimet e mia shkojnë për katolikët në Francë dhe në mbarë botën, të pikëlluar nga largimi i Shenjtërisë së Tij Benediktit XVI, i cili punoi me shpirt dhe inteligjencë për një botë më vëllazërore”, shkroi presidenti francez, Emmanuel Macron.

LEXONI GJITHASHTU

• Dikur pjesë e Rinisë Hitleriane, kush ishte Papa Benedikti. Arritjet dhe skandalet
• Ndërron jetë ish-Papa Benedikt XVI
• U raportua në gjendje të rëndë, Vatikani informon mbi shëndetin e Papa Benediktit