Republika Çeke kundër strehimit të refugjatëve afganë

‘Në Bashkimin Evropian nuk ka vend për refugjatët afganë dhe unioni duhet t’i ndihmojë ata të qëndrojnë në shtëpi”.

Ishte kjo deklarata e kryeministrit çek, Andrej Babis gjatë një takimi me kancelarin austriak Sebastian Kurz dhe homologut sllovak.

Tre liderët sikundër edhe Hungaria dhe Polonia janë kundër hapjes së dyerve për refugjatët afganë.

Rikthimi në pushtet i talebanëve, nxiti një eksod të qytetarëve.

BE -ja, e cila ka mirëpritur mijëra refugjatë afganë, tani është e shqetësuar se miliona njerëz mund të kërkojnë strehim në Evropë dhe fqinjët e saj, si Turqia, duke shkaktuar një përsëritje të krizës së migrimit të vitit 2015.

Së fundmi, talebanët kanë shpallur një qeveri të përkohshme në Afganistan që do të drejtohet nga një prej themeluesve të grupit, dhe ministër i Brendshëm, i së cilës do të jetë një militant i shpallur në kërkim nga FBI.

Qeveria e re do të drejtohet nga Mullah Mohammad Hassan Akhund.

LEXONI GJITHASHTU:

• Talebanët shpallin qeverinë e re të Afganistanit
• Do t’i gjykojmë talebanët nga veprimet jo nga fjalët, thotë DASH
• Mësimi në Afganistan, një perde brenda klasës ndan vajzat nga djemtë