BE miraton vaksinën e parë anti-COVID-19

Përmes një postimi në Twitter, Komisioni Europian njoftoi se ka konfirmuar vaksinën e parë anti-COVID, pas rekomandimit të Agjencisë Europiane të Barnave (EMA). 

We have just authorised the first COVID-19 vaccine!

Following the recommendation of the European Medicines Agency, we have granted a conditional market authorisation for the BioNTech/Pfizer vaccine
#EUVaccinationDays will start soon. pic.twitter.com/FppyImv2jM

— European Commission ?? (@EU_Commission) December 21, 2020

Agjencia Evropiane e Barnave (EMA) rekomandoi të hënën miratimin me kusht të përdorimit të vaksinës kundër coronavirus-it të zhvilluar nga BioNTech dhe Pfizer. Vendimi vjen disa javë pasi më parë kjo vaksinë qe miratuar nga autoritetet e Shteteve të Bashkuara të Amerikës. 

We have just authorised the first COVID-19 vaccine!

Following the recommendation of the European Medicines Agency, we have granted a conditional market authorisation for the BioNTech/Pfizer vaccine
#EUVaccinationDays will start soon. pic.twitter.com/FppyImv2jM

— European Commission ?? (@EU_Commission) December 21, 2020

Pas një takimi me dyer të mbyllura mes ekspertëve të rregullatorit  të barnave, Bashkimi Evropian tha se po e rekomandonte përdorimin e kësaj vaksine vetëm për personat mbi moshën 16 vjeç.

Kompanive farmaceutike u është kërkuar që vitin e ardhshëm të paraqesin të dhëna shtesë për vaksinën e tyre.

Miratimi i rekomandimit të Agjencisë pritet të vuloset nga drejtoria ekzekutive e BE-së, brenda ditës së sotme.

? EMA has just recommended granting a conditional marketing authorisation for the #COVID19vaccine developed by BioNTech/ Pfizer, to prevent #COVID19 in people from 16 years of age.

?Read our press release: https://t.co/qOyMcYLI4y pic.twitter.com/4c5ujZKQ6b

— EU Medicines Agency (@EMA_News) December 21, 2020

Presidentja e Komisionit Evropian Ursula von der Leyen shkroi në Twitter se miratimi i EMA ishte “një moment vendimtar në përpjekjet për të shpërndarë vaksina të sigurta dhe efektive për evropianët!”. “Tani ne do të veprojmë shpejt,” – shtoi më tej von der Leyen, ndërkohë që disa shtete në Evropë kanë caktuar si pikënisje të shpërndarjes së vaksinave anti-Covid datën 27 dhjetor.

It’s a decisive moment in our efforts to deliver safe & effective vaccines to Europeans!

The @EMA_News just issued a positive scientific opinion on the #BioNTech / @pfizer vaccine.

Now we will act fast. I expect a @EU_Commission decision by this evening.

— Ursula von der Leyen (@vonderleyen) December 21, 2020

Autoritetet evropiane u vunë nën presion javën e shkuar nga vendet që kërkonin nisjen e vaksinimit kundër COVID-19.

EMA fillimisht vendosi datën 29 dhjetor si datë për vlerësimin e vaksinës, por e përshpejtoi më pas mbajtjen e mbledhjes këtë të hënë pas thirrjeve nga qeveria gjermane “për të lëvizur më shpejt”.

Vaksinimi kundër COVID-19 pritet të nisë fillimisht me të moshuarit dhe qendrat sociale.

EMA me bazë në Amsterdam është përgjegjëse për miratimin e të gjitha barnave dhe vaksinave të reja për 27 vendet anëtare të BE-së dhe është pothuajse njësoj e ngjashme me Agjencinë e Ushqimit dhe Barnave të SHBA-së.

Vaksinës së Pfizer dhe BioNTech tashmë i është dhënë një formë e autorizimit në të paktën 15 vende.

Britania, Kanadaja dhe SHBA autorizuan që vaksina të përdoret në përputhje me protokollin e urgjencës shëndetësore, që do të thotë që vaksina mbetet produkt i palicencuar, mirëpo përdorimi i përkohshëm i saj justifikohet nga prirja shqetësuese e pandemisë, e cila, sipas përllogaritjeve të universitetit Johns Hopkins i ka marrë jetën pothuajse 1.7 milion njerëzve në të gjithë botën deri më sot.

BioNTech dhe Pfizer i ofruan BE-së 400 milionë doza të vaksinës, por Komisioni Evropian zgjodhi të blinte vetëm 200 milion doza, me mundësinë e blerjes së 100 milionë të tjerave më vonë.

Fundjavën që shkoi Zvicra u bë vendi i parë që autorizoi vaksinën e Pfizer/BioNTech sipas procedurës normale të licencimiShkencëtarët janë akoma duke pritur për më shumë të dhëna në lidhje me efektet afatgjata dhe se sa zgjat imuniteti nga vaksinat. Testimi përfundimtar i vaksinës është ende në vazhdim, nevojiten më shumë informacione përpara se ajo të lejohet edhe për fëmijët dhe gratë shtatzëna.