Rreziku nga varianti Delta, shtohen të infektuarit në disa shtete evropiane, rivendosen kufizimet

Ministri francez i Shëndetësisë bën me dije se 20% e rasteve të reja në Francë kanë si shkaktar variantin Delta dhe numri pritet të rritet duke qenë se ky lloj virusi është shumë i transmetueshëm.

Edhe autoritetet në Gjermani konfirmuan se rastet e reja COVID-19 të shkaktuara nga varianti Delta ishin dyfishuar brenda një jave dhe përhapja e tij në të gjithë botën ka bërë që disa vende të vendosin përsëri disa kufizime në udhëtime.

Kancelarja Merkel kërkon një koordinim më të fortë mes shteteve duke nënvizuar se nuk duhet të përsëritet më mbyllja e kufijve.

Rritja e të infektuarve me variantin Delta ka detyruar edhe Britaninë e Madhe që të shtyjë për në 19 korrik lehtësimin e mëtejshëm të masave kufizuese.

Ndërsa, në Sidnej karantina për dy javë po vendoset në përpjekje për të mbajtur nën kontroll situatën epidemiologjike.

LEXONI GJITHASHTU: 

• Shtohet frika nga varianti ‘Delta’, pritet të jetë dominues gjatë gushtit
• ​Rikthehen kufizimet në Australi për shkak të variantit “Delta” të COVID-19
• Frika nga varianti Delta, Portugalia rivendos karantinën, rritet numri i të infektuarve në Rusi