Rrëzimi i avionit ushtarak amerikan F-15E, Irani ofron shpërblim 60 mijë dollarë për gjetjen dhe dorëzimin e pilotit

Forcat Ajrore Amerikane kanë humbur një avion luftarak-bombardues me dy vende F-15E Strike Eagle në operacionet luftarake mbi Iranin jugperëndimor këtë mëngjes dhe kanë ndërmarrë një përpjekje kërkim-shpëtimi ku kanë nxjerrë me sukses një nga anëtarët e ekuipazhit nga avioni, ndërsa përpjekjet për të gjetur anëtarin e dytë po vazhdojnë.

Ndërkohë, përpjekjet për gjetjen e pilotit amerikan po zhvillohen edhe nga pala iraniane. Televizioni shtetëror iranian transmetoi një apel, duke u bërë thirrje civilëve në Kohgiluyeh, Boyer-Ahmad dhe provincat fqinje rurale që të gjejnë dhe ta dorzojnë pilotin e zhdukur amerikan, duke premtuar një shpërblim prej 60,000 dollarësh.

Sipas raportimeve të mediave vendase, prezantuesit i udhëzuan shikuesit të dorëzonin çdo personel të kapur tek autoritetet dhe, në disa mesazhe, të shënjestronin avionët e parë sipër tyre. Kjo shënon një hap të pazakontë dhe provokues në konflikt, duke sinjalizuar gatishmërinë e Teheranit për të mobilizuar publikun në objektiva të drejtpërdrejta ushtarake.

Ndërkohë, një avion A-10 Warthog u rrëzua gjithashtu, duke e çuar orët e fundit numrin e avionëve amerikanë të rrëzuar në dy. Në këtë rast, piloti i avionit u shpëtua me sukses.