Rriten gjobat për bizneset dhe individët që kryejnë evazion fiskal

Ministria e Financave ka aplikuar ndryshime ligjore në ligjin e Procedurave Tatimore, nëpërmjet të cilave Drejtoria e Përgjithshme e Tatimeve merr kompetenca më të forta për të kontrolluar individët e pasur në vend.

Bëhet fjalë për krijimin e një databaze me individët e pasur, të cilët do të jenë subjekt kontrolli për evazion fiskal.

Ndryshimet e reja ligjore referojnë se, administrata tatimore mban regjistër të veçantë të individëve sipas të dhënave të gjendjes civile, për efekt të deklarimit nga ana e tyre të të ardhurave individuale të realizuara.

Rriten penalitetet për tatimpaguesit, entitete për mosdeklarim të punonjësve dhe fshehje të pagës.

Në legjislacionin aktual, penaliteti është 100% i detyrimit dhe kontributit të llogaritur për të gjithë tatimpaguesit.

Në ndryshimet e reja bëhet 200% të detyrimit dhe kontributit të llogaritur për tatimpaguesit, entitete juridike dhe 100% të detyrimit dhe kontributit për të gjithë tatimpaguesit e tjerë.

Hiqet akciza për bateritë të cilët përdoren për panelet diellore dhe makineritë elektrike.

Gjithashtu, paketa fiskale merr në konsideratë përjashtimin nga TVSH-ja në import apo furnizim me dru zjarri për periudhën 1 Janar – 31 Dhjetor 2023.

Projekt-paketa e vitit 2023 unifikon akcizën për birrën (prodhues vendas e të huaj),, pavarësisht sasisë së prodhimit. Akciza do të jetë nga 360 lekë/HL, në 710 lekë.

LEXONI GJITHASHTU

• 1.2 mld lekë fatura fiktive/ Tatimet zbardhin skemën e mashtrimit me TVSH
• 100 më të pasurit| Tatimet hartojnë listën, nis puna për 200 të tjerët
• Deklaratë tatimore një herë në vit, për individët me pagë mbi 125 mijë lekë