Rritja e çmimit të naftës, gjermanët ‘turizëm’ në Poloni e Çeki

Pasi çmimet e naftës po shënojnë  rekorde të reja në Gjermani, qytetarët gjermanë po nisin të blejnë karburant në shtete fqinje.

Ata kanë nisur të shkojnë në pikat e karburanteve në Poloni dhe Çeki, ku çmimet janë më të ulëta.

Çmimet e benzinës dhe naftës kanë arritur nivelin më të lartë në vend në 10 vitet e fundit. Radhë të gjata të gjermanëve u krijuan në stacionet e karburanteve në kufirin çek dhe polak.

95 për qind e automjeteve janë me targa gjermane.

“Po filloj të pyes veten se ku po shkojmë, sepse së shpejti do të jemi në 2 euro dhe kjo së shpejti nuk do të jetë më e përballueshme për ne konsumatorët normalë”, thotë një qytetar.

Disa njerëz kanë fatin të jetojnë pranë kufirit, qoftë në Austri, Republikën Çeke, apo në Poloni. Një avantazh çmimi prej 40 deri në 50 cent për litër, që madje e bën të vlefshëm një udhëtim pak më të gjatë. Megjithatë, koha dhe distanca janë  pjesë e ekuacionit:

Gjermanët mbushin jo vetëm rezervuarët e automjeteve, por edhe bidonët që i marrin me vete. Qytetarët shprehen se në fillim të pandemisë çmimet e karburanteve ishin shumë të lira, por taksat mjedisore u rritën në Gjermani dhe për këtë arsye çmimi i karburantit u shtrenjtua. Një gjerman tjetër tha se kishte dy makina dhe bleu benzinë nga Polonia sepse ishte më lirë. Ata presin që qeveria të marrë masa për të përballuar kostot.