https://youtu.be/pnNi3y5G80IRritja e çmimeve qoftë e karburantit, por edhe e ushqimeve bazë ka prekur të gjitha shtetet evropiane.
Në qytete të ndryshme qytetarët ende kanë shumë pikëpyetje nëse e gjithë kjo situatë po ndodh për shkak të luftës në Ukrainë. Ata po e ndjenë rëndësinë në çdo aspekt të jetesës.
“Unë kam një makinë që punon me benzinë. Është e qartë se ka një ndikim në shpenzimet tona të familjes. Është dyfishuar. Njësoj si faturat. Është një problem i përgjithshëm”, shprehet Letizia banore në Romë.
Më 14 qershor në Sarajevë të Bosnje Hercegovinës, çmimi i gazit ishte 1,79 dollarë për litër.
“Unë nuk e di nëse e gjithë kjo është për shkak të Ukrainës, ndoshta është një krizë globale e prodhuar, kjo nuk është në rregull. Nuk është në rregull që çmimet u rritën me 70 përqind apo edhe më shumë”, shprehet 64-vjeçari nga Sarajeva.
Faruk Haxhiç, ekspert dhe analist ekonomik thekson se kur ka kufizim buxhetor çdo qytetar ka një sasi të kufizuar të ardhurash dhe e gjitha kjo do të ndikojë në të ardhurat, shpenzimet për mallra si dhe do të ulë aktivitetin ekonomik në të ardhmen.
Në Gjermani, çmimet aktuale të karburantit zemërojnë shumë shoferë. Ndërkohë politikanët po përpiqen pothuajse në mënyrë të dëshpëruar të pengojnë korporatat që të mbi fitojnë nga rritjet e çmimeve.
Agjencia Ndërkombëtare e Energjisë (IEA) parashikon që kërkesa globale për naftë do të tejkalojë për herë të parë nivelet para pandemisë së Covid-it.
LEXONI GJITHASHTU:
- Rusia balancon humbjet; vëllimet e karburanteve u ulën, por janë rritur çmimet
- Japonia njofton për shkëputje graduale nga nafta ruse
