Rumani, zjarr në një spital COVID, humbin jetën 10 persona, 7 të tjerë në gjendje të rëndë

Zyrtarët rumunë kanë dhënë lajmin se një zjarr ka përfshirë një spital në qytetin verior të Piatra Neamt që trajton pacientët me COVID-19 dhe si pasojë kanë humbur jetën 10 persona. Ndërkohë, 7 të tjerë janë në gjendje kritike për jetën.

“Zjarri u përhap në repartin e kujdesit intensiv të caktuar për pacientët me COVID-19, në spitalin publik në qytetin verior të Piatra Neamt”, tha Irina Popa, zëdhënëse e Inspektoratit të Situatave të Urgjencës lokale.

Ndërsa, ministri rumun i Shëndetësisë, Nelu Tataru deklaroi për median lokale se zjarri ka shumë të ngjarë të jetë shkaktuar nga një qark i shkurtër.

Qyteti Piatra Neamt është rreth 353 kilometra (219 milje) në veri të kryeqytetit të Rumanisë, Bukuresht.