16 vite burg për spiunazh, Rusia dënon ish-marinsin amerikan

Një gjykatë në Rusi ka dënuar Paul Whelan, një qytetar me kombësi amerikane dhe britanike, me 16 vite burg nën akuzën e spiunazhit, deklaroi ambasadori i Shteteve të Bashkuara jashtë sallës së gjyqit në Moskë.

Whelan, një ish-marins amerikan, u arrestua në një hotel në Rusi më 28 dhjetor. Ai është shprehur se ka qenë pre e një kurthi të ngritur kur i kanë dorëzuar një USB me informacione sekrete, sipas raportimeve të AP.

Ambasadori i SHBA në Rusi John Sullivan e cilësoi verdiktin si “një tallje të drejtësisë” e duke shtuar se ambasada nuk ka parë “asnjë provë mbi rastin në fjalë”. 

Ambassador Sullivan: Today, #PaulWhelan was convicted and sentenced to 16 years in prison in Russia. This secret trial in which no evidence was produced is an egregious violation of human rights and international legal norms. @mfa_russia pic.twitter.com/cPCh3Sflfn

— Rebecca Ross (@USEmbRuPress) June 15, 2020

Sullivan tha se instancat më të larta të qeverisë amerikane janë të shqetësuar për rastin.

Familja e tij kanë kundërshtuar verdiktin për shkak të mungesës së provave dhe gjyqit të padrejtë ndaj tij, ndërkohë që sekretari i Shtetit Mike Pompeo i ka bërë thirrje Moskës që të lirojë ish-marinsin amerikan.