Rusia do t’i ofrojë mbështetje Iranit për të zgjidhur krizën e programit bërthamor

Rusia e ka mbështetur dhe do të vazhdojë ta mbështesë Iranin në gjetjen e zgjidhjeve për krizën që rrethon programin bërthamor të Republikës Islamike, tha ambasadori rus në Iran, Alexey Dedov, në një intervistë me TASS.

Konsultimet midis Rusisë dhe Iranit vazhdojnë në nivele të ndryshme dhe “po bëhet gjithçka e mundur për të gjetur një zgjidhje efektive diplomatike”, vuri në dukje Dedov.

“Rusia dhe Irani janë në kontakt të vazhdueshëm për të zgjidhur situatën rreth programit bërthamor iranian, i cili është zhvilluar për shkak të fajit të vendeve perëndimore. Ne po i ofrojmë dhe do të vazhdojmë t’i ofrojmë mbështetje gjithëpërfshirëse Teheranit në gjetjen e një zgjidhjeje politike dhe diplomatike afatgjatë për krizën aktuale”, tha ai.

Pala ruse i konsideron hapat e ndërmarrë nga evropianët dhe të mbështetur nga Uashingtoni për të rivendosur sanksionet e Këshillit të Sigurimit të OKB-së si të pambështetshëm ligjërisht dhe proceduralisht, theksoi ai. “Prandaj, ato [përpjekjet për të ushtruar presion mbi Iranin] nuk imponojnë asnjë detyrim ligjor mbi pjesëmarrësit me mirëbesim në bashkësinë ndërkombëtare”, tha ambasadori.

LEXONI GJITHASHTU:

• Pentagoni “tkurr” dëmet: Programi bërthamor iranian, 2 vjet pas nga sulmet
• Sekretari i Mbrojtjes në SHBA: Shkatërruam me sukses programin bërthamor iranian