Rusia mohon përgjegjësinë për shpërthimin në Poloni

Presidenti amerikan Joe Biden ka thënë se nuk ka gjasa që një raketë që vrau dy persona në Poloni të martën të jetë lëshuar nga Rusia.

Rusia ka mohuar se ishte fajtore për raketën që ra në Przewodow, në kufirin me Ukrainën.

Polonia tha se ishte prodhuar nga Rusia, por zyrtarët amerikanë thanë se gjetjet fillestare treguan se ishte qëlluar nga mbrojtja ajrore ukrainase.

Më shumë se 90 raketa ruse u hodhën në Ukrainë të martën, tha Kievi, shkruan BBC.

Edhe pse ushtria tha se 77 u rrëzuan, disa nga raketat goditën Lviv, jo shumë larg kufirit perëndimor të Ukrainës me Poloninë.

Gjatë sulmeve ruse, dy punëtorë polakë u vranë në një shpërthim në një ndërtesë ferme në Przewodow, 6 km nga kufiri.

Ushtria e Polonisë, anëtare e NATO-s, u vendos në gatishmëri të lartë dhe ambasadorët e NATO-s do të zhvillonin një takim urgjent në Bruksel të mërkurën në mëngjes për të vlerësuar reagimin e tyre.

Ndërsa Rusia dënoi si “provokim” raportet fillestare se kishte lëshuar raketën në Poloni, Presidenti Biden u tha gazetarëve në G20 në Bali se “informacionet paraprake” i kundërshtonin ato raporte.

LEXONI GJITHASHTU:

• AP: Raketat që ranë në Poloni “u hodhën nga Ukraina”
• Biden: Raketat në Poloni mund të mos jenë hedhur nga Rusia