Rusia e konsideron të përfunduar mobilizimin e pjesshëm në Ukrainë.

Moska pretendon se 82.000 trupa janë tashmë në vijat e frontit dhe 218.000 po stërviten.

“Nuk janë planifikuar detyra shtesë mobilizimi. Si pjesë e operacionit ushtarak, qendrat e projektimit do të vazhdojnë punën e tyre për të plotësuar ushtrinë ekskluzivisht me vullnetarë dhe kandidatë për të shërbyer me kontrata”, u shpreh Sergei Shoigu ministër rus i Mbrojtjes.

Në frontin jugperëndimor, zhvendosja e popullsisë vazhdon nga Kherson, në territorin e kontrolluar nga Rusia. Ukraina e cilëson lëvizjen, deportime. Beteja për kontrollin e qytetit po afron.

“Rusia po e kthen rajonin e Khersonit një zonë pa civilizim, pa gjëra elementare që janë të disponueshme në shumicën e vendeve të botës. Para ardhjes së Rusisë, ky rajon, si të gjitha rajonet e tjera të Ukrainës, ishte plotësisht normal dhe i sigurt, me të gjitha shërbimet sociale sepse njerëzit ishin të sigurt atje. Jeta ishte e garantuar. Dhe tani Rusia po përpiqet ta bëjë Kherson një zonë të përjashtua”, theksoi presidenti Ukrainas Zelensky

Sulmet ruse kanë lënë katër milionë ukrainas pa energji elektrike. Autoritetet në Kiev po përpiqen të nxitojnë për të riparuar stacionet e dëmtuara për të rivendosur furnizimin.

Ukraina pretendon se të paktën gjashtë persona janë vrarë nga bombardimet pranë zonës së kontrolluar nga Rusia në Zaporizhzhia. Rusët pretendojnë se kanë zmbrapsur sulmet ukrainase në lindje dhe kanë shkatërruar një fabrikë ushtarake ukrainase.

Larg frontit kryesor, pranë kufirit me Bjellorusinë, trupat ukrainase nuk po e lëshojnë kontrollin. Minsku është gjithnjë e më i vendosur të përfshihet në luftë.

LEXONI GJITHASHTU:

• Rusia përfundon procesin e rekrutimit të 300 mijë rezervistëve
• Rusia dërgon 1000 trupa për të mbrojtur Khersonin në Ukrainë