Rusia pretendon gjithashtu se vaksina Sputnik V është 95% efektive ndaj COVID-19

Autoritetet ruse thanë së fundmi se testet për vaksinën Sputnik V kanë treguar se ajo është 95% efektive kundër COVID-19.

Të dhënat u thanë se u bazuan nga testet mbi vullnetarë të cilët u mbajtën nën monitorim për 42 ditë pas injektimit të parë të vaksinës.

Raportimi në fjalë vjen një ditë pasi Universiteti i Oksfordit dhe kompania AstraZeneca njoftuan se të dhënat për zhvillimin e vaksinës së tyre anti-Covid kishin treguar për efektshmëri deri në 70%.

Javët e fundit përpjekjet për të zhvilluar një vaksinë efektive kundër koronavirusit janë intensifikuar duke marrë trajtat e një gare mes kompanive farmaceutike.

Kompanitë Pfizer-BioNTech dhe Moderna kanë raportuar deri më sot, gjithashtu, për efektivitet deri në 95% të vaksinave të tyre.

Nga Kina gjithashtu ka pasur raportime për të dhëna premtuese për një vaksinë të zhvilluar nga kompania shtetërore e farmaceutikës dhe që ishte shpërndarë tashmë “si arsye emergjente” së paku një milionë personave.

Prej rreth një viti, prej që kur COVID-19 buroi nga Kina, bota po vuan një pandemi që deri më sot ka infektuar rreth 60 milionë njerëz, prej së cilëve rreth 1.4 milionë kanë vdekur.

Lexoni gjithashtu:

Rreth një milionë personave në Kinë u është dhënë vaksina eksperimentale anti-Covid

Turqia teston vaksinën kineze; nuk jep shenja për efekte anësore

Universiteti i Oxfordit zbulon vaksinën 70% efektive kundër coronavirusit

Vaksina anti-Covid e Oksfordit, mjeku Adrian Fandi: Lajm pozitiv pasi mund të ruhet në frigoriferë të zakonshëm