Samiti i BE-së, në fokus të bisedimeve situata dhe rimëkëmbja nga COVID-19

Anëtarët e Këshillit Evropian takohen gjatë ditës së sotme për të diskutuar mbi situatën e krijuar nga pandemia COVID-19 dhe mënyrën sesi Bashkimi Evropian do të duhet të menaxhojë situatën.

Takimi vjen pas samitit të 29 tetorit ku liderët e unionit nënvizuan nevojën për të bashkuar forcat për të luftuar pandeminë duke u fokusuar tek politikat e testimit, gjurmimit por edhe tek vaksina e cila do t’i jap fund pandemisë.

Pak ditë më parë Hungaria dhe Polonia bllokuan buxhetin e Bashkimit Evropian  dhe fondin e rimëkëmbjes prej 750 miliardë eurosh dedikuar pandemisë.

Dy shtetet janë kritikuar për mungesën e sundimit të ligjit çka përfshin  vlerat demokratike, të drejtat e njeriut dhe pavarësinë e gjyqësorit.