Sarkozy shpallet fajtor për financim ilegal të fushatës presidenciale në 2012
Ish-presidenti francez, Nicolas Sarkozy u shpall fajtor nga Gjykata në Paris për financimin ilegal të fushatës së tij elektorale në vitin 2012.
66-vjeçari, i cili gjithnjë ka mohuar akuzat nuk ishte në gjykatë për t’u përballur me vendimin.
Ai u akuzua se ka shpenzuar rreth 22.5 milionë euro, pothuajse dyfishi i shumës maksimale ligjore për fushatën e tij të rizgjedhjes presidenciale në 2012. Ndaj tij u kërkua një vit burg, përfshirë gjashtë muaj me kusht.
Por, ndonëse u shpall fajtor ai nuk ka gjasa të shkojë menjëherë në qeli, pasi pritet të apelojë vendimin. Prokurorët e akuzuan ish-presidentin se kishte injoruar dy shënime nga kontabilistët e tij që paralajmëronin për çështjen e parave.
Sipas tyre, Sarkozy është “personi i vetëm përgjegjës për financimin e fushatës së tij” dhe se ai zgjodhi të kalojë kufirin duke organizuar shumë tubime, disa prej të cilave ishin edhe shumë të mëdha.
Përvec ish-presidentit, 13 persona të tjerë dolën në gjyq, përfshirë anëtarët e partisë së tij konservatore, kontabilistë dhe krerët e grupit të komunikimit të ngarkuar me organizimin e tubimeve.
Disa kanë pranuar akuzat dhe kanë dhënë detaje.
Ky është gjykimi i dytë brenda vitit për njeriun që sundoi Francën nga viti 2007 deri në vitin 2012 dhe vazhdon të ketë ndikim mes konservatorëve pavarësisht problemet ligjore.
Ish-presidenti u shpall fajtor në muajin mars pasi tentoi të korruptonte një gjykatës që të merrte informacion konfidencial në një hetim gjyqësor.
Ai u dënua me tre vjet burg, dy vite prej të cilave u pezulluan ndërsa apeli i tij është në pritje.
Ish-lideri francez po hetohet gjithashtu për akuzat se ai ka marrë para nga ish-lideri Muamar Gaddafi për të financuar fushatën e tij të suksesshme presidenciale në 2007 dhe për ndikim në rastet në lidhje me aktivitetet e tij këshilluese në Rusi.
Sarkozy u tërhoq nga politika në vitin 2017, por ende po luan një rol në prapaskenë.
LEXONI GJITHASHTU:
Kryefaqja
Macron: Fitorja e Magyar shënon fillimin e një epoke të re në Hungari
Asambleja e Përgjithshme e OKB-së voton 5 anëtarët e rinj jo të përhershëm të Këshillit të Sigurimit
Rreth 90 serbë dëbohen nga aeroporti i Tivatit, policia malazeze i cilëson rrezik për sigurinë
- 23:16 Mot i keq në Shkodër, autoritetet apel qytetarëve: Shmangni zonat me risk
- 23:07 “Opozitë e krimit”! Protestuesit nga selia e PS-së shkojnë para selisë së PD-së
- 22:35 Tajani: Është SHBA-ja ajo që “duhet ta ndalojë Izraelin” për paqen në LM
- 22:33 SHBA tërheq trupat nga Lituania
- 22:28 Qytetarët bllokojnë rrugën pranë selisë së PS-së, thirrje të rinjve: Ngrihuni nga kafet
- 22:27 Irani shënjestron anijen amerikane në Gjirin e Omanit! Araghchi: Nëse Izraeli sulmon Bejrutin, rifillon lufta