S’do përdorim armë bërthamore në Ukrainë, thotë ministri Lavrov

Rusia nuk do të përdorë armë bërthamore në Ukrainë, deklaroi ministri i Jashtëm Sergei Lavrov.

Gjatë intervistës për kanalin televiziv “India Today”, Lavrov deklaroi se do të përdorin të gjitha llojet e tjera të armatimeve në Ukrainë, shkruan BBC.

Lavrov tha gjithashtu se me ofensivën ruse të fokusuar tani në lindje të Ukrainës, lufta po hyn në një fazë të re.

“Operacioni në lindje të Ukrainës synon, të çlirojë plotësisht republikat të vetëshpallura Donetsk dhe Luhansk. Dhe ky operacion do të vazhdojë”, u shpreh ministri rus.

“Një fazë tjetër e këtij operacioni po fillon dhe jam i sigurt se ky do të jetë një moment shumë i rëndësishëm i gjithë këtij operacioni special”, shtoi Lavrov.

Në fillim të luftës, Vladimir Putin urdhëroi që forcat bërthamore të Rusisë të viheshin në gatishmëri të lartë dhe një numër figurash të qeverisë ruse kanë sinjalizuar se vendi do të ishte i gatshëm t’i përdorte ato në rrethana të caktuara.

LEXONI GJITHASHTU:

• 18 fotografitë më prekëse të luftës në Ukrainë
• Zelanda e Re sanksione shtesë ndaj institucioneve financiare ruse
• Zelenski: Trupat ruse kanë filluar betejën për Donbasin