Senatori republikan i Floridës, Marco Rubio, shprehu shqetësimin për mundësinë e një sulmi në territorin e NATO-s nga presidenti rus Vladimir Putin gjatë një interviste të dielën me CNN.
“Unë mendoj se është shumë e mundur që ai të përfundojë duke goditur disa nga këto vende të shpërndarjes ku furnizimet po vijnë, duke përfshirë brenda Polonisë. Shumë flitet për bërthamën, por mendoj se gjëja për të cilën shqetësohem më shumë është një sulm rus brenda territorit të NATO-s, për shembull, duke synuar aeroportin në Poloni ose ndonjë pikë tjetër shpërndarjeje”, tha ai.
I pyetur nëse NATO-ja do të duhej të përgjigjej, ai tha se do të “varej” nga natyra, shkalla dhe shtrirja e një sulmi. Rubio sugjeroi se rreziku i një sulmi bërthamor nga Putin është “më i lartë sot se një muaj më parë”, por se ai është më i shqetësuar për hapat “të ndërmjetëm” që mund të ndërmarrë Putin.
Rubio sugjeroi gjithashtu se Rusia ishte përgjegjëse për sulmet në tubacionet e gazit Nord Stream javën e kaluar.
“Unë mendoj se është mjaft e qartë, dikush e bëri këtë, dhe të vetmit njerëz në atë rajon që kanë motivin dhe aftësinë për ta bërë këtë, janë Rusia ose forcat ruse. Kështu që unë mendoj se nuk është një çështje inteligjence në këtë pikë. Është një çështje me sens të përbashkët”, tha ai.
LEXONI GJITHASHTU:
- Turqia kundërshton aneksimin e territoreve ukrainase nga Rusia
- Aneksimi i territoreve ukrainase nga Rusia, reagon presidenti Begaj