Sërish shënjestër sulmi, Irani godet ambasadën e SHBA-së në Irak me raketa dhe dronë

Ambasada e SHBA në Irak ka qenë sërish objektiv i sulmit nga Irani. Raketa dhe të paktën pesë dronë u lëshuan drejt ambasadës amerikane në Bagdad herët të martën nga zonat përreth qytetit, thanë burime irakiane të sigurisë, duke e përshkruar sulmin si më intensivin që nga fillimi i luftës SHBA-Izrael me Iranin.

Sipas raportimeve të mediave vendase, të paktën tre dronë shkuan në drejtim të ambasadës, ndërsa sistemi i mbrojtjes ajrore C-RAM rrëzoi dy prej tyre, teksa një i tretë goditi brenda kompleksit të ambasadës.

Tym dhe zjarr u ngritën gjatë sulmeve të raportuara në ambasadën amerikane, sipas burimeve irakiane të sigurisë, në Bagdad, Irak.

Milicitë e mbështetura nga Irani kanë sulmuar interesat amerikane në Irak në shenjë hakmarrjeje për luftën që filloi më 28 shkurt.

Forcat irakiane të sigurisë janë vendosur në pjesë të kryeqytetit dhe kanë mbyllur Zonën e Gjelbër të fortifikuar të Bagdadit, ku ndodhen ndërtesa qeveritare dhe misione diplomatike, përfshirë ambasadën amerikane.