Sërish zgjedhje në Izrael, dy partitë e qeverisë së unitetit nuk arritën të miratonin buxhetin

Për të katërtën herë në dy vite, në Izrael do të zhvillohen zgjedhjet e përgjithshme.

Zgjedhjet, të cilat pritet të zhvillohen në mars erdhën si rezultat i një mosmarrëveshje,  pasi dy partitë kryesore në qeverinë e unitetit nuk arritën të përmbushin një afat mbi buxhetet e shtetit.

Në mesnatën e të martës parlamenti i Izraelit, u shpërbë automatikisht siç kërkohet nga ligji pasi skadoi afati për të kaluar buxhetin e shtetit.

Benjamin Netanyahu, udhëheqësi i partisë së krahut të djathtë Likud, dhe rivali i tij politik Benny Gantz, fajësuan njëri-tjetrin për krizën.

Kryeministri Netanyahu, i cili po gjykohet për korrupsion shpreson të kthehet në detyrë për herë të gjashtë.

Ai mohon akuzat penale kundër tij, duke i cilësuar si të motivuara politikisht.