Sfidat e qeverisjes së dytë të Albin Kurtit në Kosovë

Thirrja për të pasur një të dërguar të posaçëm të Shteteve të Bashkuara në dialogun me Serbinë dhe qëndrimet e kryeministrit Albin Kurti gjatë dy muajve të parë të qeverisjes së dytë të tij ishin temë e diskutimit në emisionin “Ilva Now” në Euronews Albania.

Njohës të politikës në Kosovë si gazetarët Enver Robelli dhe Jeta Xharra, apo dhe analistja Donika Emini e cilësuan si thelbësore për dialogun me Serbinë që të vendoset qartë si temë e bisedimeve edhe njohja e pavarësisë.

Lexo më shumë: Analistët gjykojnë si thelbësore vendosjen në dialogun me Serbinë njohjen e Kosovës

Politologu Adri Nurellari e komentoi përpjekjen e kryeministrit Albin Kurti për të vijuar dialogun me Serbinë si “përpjekje me ide të shteruara” dhe “naive”. Sipas tij ndodh “prej mosnjohjes së realitetit”.

Lexo më shumë: Adri Nurellari: Kurti po tenton dialog me Serbinë me ide të shteruara

Eksperti i marrëdhënieve ndërkombëtare Akri Çipa nxiti debat me çështjen e padisë për gjenocid që mund të ngre Kosova ndaj Serbisë. Sipas Çipës është e mundur që një padi të ngrihet nga një shtet tjetër si Shqipëria dhe paralelisht Prishtina zyrtare të vijojë edhe dialogun me Begoradin.

Lexo më shumë: Akri Çipa analizon mundësinë që ka Kosova për të paditur Serbinë për gjenocid

Sipas gazetarit Enver Robelli ndryshimi i presidencës së SHBA-ve mund të ndryshojë edhe angazhimin ndaj dialogut Kosovë-Serbi ku përfshirja e saj mund të përshpejtojë “një zgjidhje të kënaqshme mes palëve”. Për sa i përket qëndrimit të BE-së, sipas tij, ndikim domethënës mund të kenë zgjedhjet në Gjermani.

Lexo më shumë: Dialogu Kosovë-Serbi, Robelli: Përfshirja e SHBA mund të përshpejtojë një “zgjidhje të kënaqshme”

Gazetari Franko Egro, i cili është njohës i mirë i zhvillimeve në Kosovë, tha se ministrat e rinj të kabinetit të qeverisë së Albin Kurtit “nuk po i kuptojnë sa duhet përgjegjësitë dhe detyrat që ato kanë”. Ai mori si shembull gabimet drejtshkrimore të të postimit të shkruar në gjuhën angleze nga ministrja e Punëve të Jashtme Donika Gërvalla në rrjetin social “Twitter”.

Lexo më shumë: Gazetari Egro: Ministrave të qeverisë së Kosovës do t’u duhet kohë të kuptojnë se çfarë po bëjnë

Analistja Donika Emini u shpreh se qeveria “Kurti” po shfaq të njëjta probleme si në qeverinë e kaluar sa i takon politikës së jashtme. Sipas saj, qëndrimet kanë qenë konfuze dhe gjithashtu e konsideroi të gabuar tërheqjen e 12 ambasadorëve.

Lexo më shumë: Donika Emini i cilëson konfuze qëndrimet e ministres së Jashtme të Kosovës