SHBA-ja dhe Gjermania arrijnë marrëveshjen për gazin rus në Evropë

Shtetet e Bashkuara të Amerikës dhe Gjermania arritën një marrëveshje që do të lejojë përfundimin e tubacionit të gazit rus në Evropë, “Nord Stream 2”, pa vendosjen e sanksioneve të mëtejshme nga SHBA-ja.

Sipas kësaj marrëveshjeje Gjermania dhe SHBA do jenë të gatshme për të kundërshtuar çdo përpjekje të ardhshme ruse për të përdorur tubacionin si një mjet politik.

Të dyja shtetet ranë dakord të mbështesin Ukrainën dhe Poloninë, të cilat e cilësojnë projektin një kërcënim të sigurisë.

Në një deklaratë të përbashkët, dy ministrat e jashtëm të vendeve, e quajtën marrëveshjen “të pamjaftueshme”.

Në një deklaratë të përbashkët, të dy qeveritë thanë se ishin “të bashkuar në vendosmërinë e tyre për ta përcaktuar Rusinë përgjegjëse për agresionin dhe aktivitetet malinje”, referuar kryesisht mbështetjes ruse për separatistët në Ukrainë.

Prej kohësh ishte ngritur shqetësimi se “Nord Stream 2” mund t’i japë Rusisë më shumë fuqi mbi furnizimet e gazit evropian ose të lejojë që gazi të mbyllet për kundërshtarët e Rusisë.

Por, gazsjellësi është pothuajse i përfunduar dhe gjatë të gjithë procesit ka pasur mbështetjen e palëkundur të kancelares gjermane, Angela Merkel.

Gjermania ka rënë dakord të nënshkruajë marrëveshjen ‘Iniciativa e Tre Deteve’, një skemë e promovuar nga BE dhe SHBA që synon të rrisë sigurinë e energjisë midis vendeve në kufi me detin Baltik, Detin e Zi dhe Adriatik.

LEXONI GJITHASHTU:

• Blinken vizitë në Berlin: ‘Nord Stream 2’ nuk duhet të përdoret nga Rusia si një mjet detyrues kundër Evropës
• Gazsjellësi ruso-gjerman, Blinken: Të ndalet puna ose sanksione
• ”Marrëveshje jo e mirë për Evropën, rrit ndikimin ekonomik e politik të Putin”, Biden kundër Nord Stream 2