SHBA ngre alarmin: Irani ka transferuar raketa balistike në Rusi

Shtetet e Bashkuara kanë informuar aleatët pasi se besojnë se Irani ka transferuar raketa balistike me rreze të shkurtër veprimi në Rusi për t’i përdorur në luftën e saj në Ukrainë.

Dy zyrtarët që dhanë informacionin nuk dhanë asnjë detaj se sa armë janë dorëzuar apo kur janë bërë transferimet, por konfirmuan zbulime e inteligjencës amerikane. Shtëpia e Bardhë nuk pranoi të konfirmojë transferimin e armëve, por përsëriti shqetësimet e saj se Irani po thellon mbështetjen e tij ndaj Rusisë. Uashingtoni  ka paralajmëruar Teheranin prej muajsh duke shprehur hapur shqetësimin ndaj  transferimit të raketave balistike në Rusi.

“Çdo transferim i raketave balistike iraniane në Rusi do të përfaqësonte një përshkallëzim dramatik në mbështetjen e Iranit për luftën e agresionit të Rusisë kundër Ukrainës dhe do të çonte në vrasjen e më shumë civilëve ukrainas”, tha në një deklaratë zëdhënësi i Këshillit të Sigurisë Kombëtare amerikane.

“Ky partneritet kërcënon sigurinë evropiane dhe ilustron se si ndikimi destabilizues i Iranit arrin përtej Lindjes së Mesme dhe në mbarë botën”, shton zyrtari.

Irani ka furnizuar Rusinë me armatime që nga vjeshta 2022. Donet Shahed  konsiderohen si kontributi më i rëndësishëm që Teherani ka dhënë në përpjekjet luftarake të Rusisë për shkak të sasisë së dëmit që ata janë në gjendje të shkaktojnë. Zbulimet e inteligjencës amerikane vijnë pasi Rusia pretendon se ka pushtuar një fshat tjetër në rajonin lindor të Donetskut.