SHBA tërhiqet zyrtarisht nga OBSH, Trump e akuzon për dështim në menaxhim të situatës me COVID-19

Presidenti i Shteteve të Bashkuara të Amerikës, Donald Trump ka vendosur tërheqjen zyrtare nga Organizata Botërore e Shëndetësisë (OBSH), të cilën e akuzon për keqmenaxhim të pandemisë së COVID-19.

Lajmin e njoftoi senatori amerikan Robert Menendez përmes një postimi në Twitter.

“Kongresi ka marrë njoftim se presidenti ne mes të pandemisë ka tërhequr zyrtarisht SHBA-të nga OBSH-ja,”, shkroi në Twitter Menendez, anëtar demokrat i Komitetit të Punëve të Jashtme të Senatit.

Sipas kreut të Shtëpisë së Bardhë OBSH-ja gjatë shpërthimit të pandemisë ka qenë nën kontrollin e Kinës dhe ka dështuar në menaxhimin e situatës së krijuar nga COVID-19.

Vendimi për largimin nga OBSH-ja do të jetë efektiv në fund të një periudhe njëvjeçare, 6 korrik 2021,  e sipas disa zyrtarëve në qeverinë amerikane vendimi mund të kthehet nëse në krye të vendit do të jetë një administratë e re.

Lexoni gjithashtu:

Shefi i FBI-së paralajmëron se ”Kina po bën çdo gjë për tu kthyer në një superfuqi të vetme në botë”

Gjykata gjermane heq masat kufizuese prej koronavirusit rreth fabrikës së mishit ku u infektuan 1500 punonjës

Serbët protestojnë kundër vendimit të Vuçiçit për rikthimin e karantinës