“Sherri” për vaksinat, BE humb çështjen ligjore ndaj AstraZeneca

Kompania AstraZeneca ka deklaruar se Bashkimi Evropian ka humbur çështjen ligjore mbi furnizimin e vaksinave COVID-19, kundër firmës farmaceutike.

Ishte një gjykatë në Bruksel që refuzoi një kërkesë të Bashkimit Evropian për më shumë dërgesa deri në fund të qershorit.

Gjiganti farmaceutik anglo-suedez u angazhua në një kontratë për të dhënë 300 milionë doza në bllokun e 27 vendeve deri në fund të qershorit, por problemet e prodhimit e çuan ndërmarrjen të rishikonte objektivin e saj në 100 milionë vaksina.

Bashkimi Evropian muajin e kaluar nisi një proces të dytë gjyqësor kundër prodhuesit të ilaçeve duke kërkuar ndëshkime financiare për vonesat në furnizimin e vaksinave COVID-19.

LEXONI GJITHASHTU: 

• Pfizer dhe AstraZeneca janë shumë efektive kundër variantit indian, thotë studimi
• Mbërrijnë në Rinas mbi 40 mijë vaksina AstraZeneca
• Italia ndalon përdorimin e vaksinës AstraZeneca nën 60 vjeç pas vdekjes së një adoleshenteje