Shiten në ankand për 300,000 euro syzet e Mahatma Gandhit

Një palë syze të rrumbullakëta, të cilat dikur zotëroheshin nga Mahatma Gandhi, janë shitur në një ankand në Mbretërinë e Bashkuar për 300,000 euro.

“Ne i gjetëm ato katër javë më parë në kutinë tonë postare, të lëna aty nga një zotëri, xhaxhait të të cilit ja kishte dhuruar Gandhi”, shkruan faqja e ankandit në Instagram.

Ghandi “shpesh i jepte syzet e tij të vjetra apo ato që nuk i donte më për personat në nevojë”.

Syzet e shitura se fundmi i janë dhuruar xhaxhait të personit që i shiti në vitin 1920.

“Mendohet të jenë dhuruar nga Ghandi në shenjë falenderimi”, shkruan shtëpia e ankandit.

Çmimi fillestar ishte menduar të arrinte deri në 11,000 deri në 17,000 euro.