Një orë që thuhet se i përkiste liderit nazist Adolf Hitler është shitur për 1.1 milion dollarë në një ankand në SHBA.Ora Huber, e cila i është shitur një ofertuesi anonim, ka inicialet A.H të gdhendura në të.
Katalogu i produkteve për orën thotë se mund t’i ishte dhënë si dhuratë ditëlindjeje liderit fashist në vitin 1933, vitin kur ai u bë kancelar i Gjermanisë.
Një vlerësim nga shtëpia e ankandit thotë se ora u mor si një suvenir kur rreth 30 ushtarë francezë sulmuan Berghof, vendstrehimi malor i Hitlerit në maj 1945.
Udhëheqësit hebrenj e dënuan ankandin në Maryland. Megjithatë, shtëpia e ankandeve – e cila ka shitur relikeve naziste në të kaluarën, u tha mediave gjermane se qëllimi i saj ishte ruajtja e historisë, shkruan BBC.
Adolf Hitleri udhëhoqi Gjermaninë naziste midis 1933 dhe 1945, duke orkestruar vrasjen sistematike të rreth 11 milionë njerëzve, gjashtë milionë prej të cilëve u vranë sepse ishin hebrenj.
LEXONI GJITHASHTU:
- DASH sanksionon dy rusë për destabilizim të SHBA-së dhe aleatëve
- Rrobotët së shpejti në ndihmë të individëve që ecin me karrige me rrota
